Office காதலி

அருகில் இருக்கிறாய்...
அழகென மிளிர்கிறாய்...
தொலைவில் செல்லும் போதும்
ஜிவ்வென இழுக்கிறாய்!

கண்கள் மோதும் நேரம்
சிரிப்பினை உதிர்க்கிறாய்!
இமைகளில் எனை மறைத்து
இதயத்தில் ஒளிக்கிறாய்!

சிந்தையில் மின்னும்
சிறுபொறி தீயென
காதல் காட்சிகள்
கண்களில் காட்டும்
வித்தைகள் உனதோ!??

வென்றுவிடத் துடிக்கிறேன்
உன் வெள்ளந்தி சிரிப்பினை!
மீண்டும். .மீண்டும்... உன்முகம்
என்கண்களில் படும்போது
இதயம்
காதல்...காதல் என்றே
துடிக்கிறது...

அலுவலகத்தில்
உன் அலுவல் இது தானோ!?
கொஞ்சம் வேலை செய்ய விடேன்
காதல் மொழி பேசும் நம் விழிகளை!

#இளையபாரதி