கொடிய அரசு

ஓ அரசே!
உன் பற்களில் ரத்தக்கறை...!
இதோ எம்மக்களின் எழும்பு துண்டுகள்-நீங்கள்
பல் குத்திக்கொள்ளுங்கள்!

ஓ அரசே!
இதோ எம்மக்களின் பிணங்கள்...
நீங்கள் ஓட்டு வாங்கிக்கொள்ளுங்கள்!

இதோ கண்ணீர் கடல்...
நீங்கள் நீச்சல் அடித்துக்கொள்ளுங்கள்!

ஓ அரசே!
இதோ சிதறிய சதைகள்...
நீங்கள் நடந்து செல்லுங்கள்!

இதோ இரத்த வாய்க்கால்
நீங்கள் கால் கழுவிக்கொள்ளுங்கள்!

ஓ அரசே!
இதோ எங்கள் கதறல்கள்...
நீங்கள் இசையென கேளுங்கள்!

இதோ
எங்கள் வாழ்க்கை...
நீங்கள் சீரழித்துக்கொள்ளுங்கள்!

ஏனென்றால்,
நீங்கள் ஆட்சியாளர்கள்
நாங்கள் அடிமையானவர்கள்!