சூரிய சந்திரன்!

அன்பின் கருவில்
அற்புதமாய் இரட்டைப் பிள்ளைகள்!
யாருக்குத்தான் இல்லை பேரானந்தம் !

நித்தமும் வந்து போகும்
சூரிய-சந்திரனை
நாமம் சூட்டி
சுட்டி குழந்தைகள் தாலாட்டு!

எட்டு திக்கும் மழலை கீதங்கள்
மகிழ்ந்து கிடப்பதே தவமாய் மணிமேகலையும்
பிறந்த வீடல்லவோ!

ஆசை பாசுரங்கள் பாடிய
அன்னை மடியில்
வீணை நாணென
துள்ளல் இசை புரியும்
மூன்று முத்துக்கள்!
கோடி கோடி சொத்துக்களாய்!

நாளும் வளரும் வளர்பிறை சந்திரன்
தானும் வளர்ந்து
தயை பரப்பி பிறரும் வளர
கரம் நீட்டிய
கற்பக விருட்சமாய்
உயிர்த்திருக்க...

கதிர்கள் வீசும் சூரியனும்
கம்பீரம் கொண்டே
முன்னெடுக்கிறார் வெற்றித்தேரினை!

மகிழ் கூட்டில் பிறந்த செல்வங்கள் கொண்டாடும்
பிறந்த நாளினை
களி நெஞ்சில்
கொண்டாடி மகிழ்கிறோம்
அன்பு உறவுகள்...

என்றும்
இனியவர்களுக்கு
அன்பு சகோதரர்களின்
கவிமாலை
பிறந்த நாள் வாழ்த்துக்களாய்!🎉🎊🎁🎊🎊