நான் தொலைந்து போகிறேன்! - கவிதை

நான் தொலைந்து போகிறேன்
நீ மறைந்து பார்க்கிறாய்
வான் நிறைந்து மேகமும்..
மழையென உடைந்து வீழுதே!

உடைகள் மாற்றும் தேகமாய்
பொழுதும் மாறிப்போகுதே!
விடிந்த காலை...
நடந்து சென்று மாலையாய்
மஞ்சள் ஆடை சூடுதே!

வெள்ளி முளைத்த வானமும்
நிலவை பூத்து சிரிக்குதே!
இரவு வந்து இங்குமே
இனிமை தேனை பருகுதே!

உறவுப்பெண்ணாய் நீயும்
உரிமையாக இருந்து தான்
இதயவானில் பறவையாய்
இன்பம் கொண்டு பறக்கிறாய்!