அவள்... மூச்சுக்காற்றில் முனகல் சத்தம் - கவிதை

அவள்...
மூச்சுக்காற்றில் முனகல் சத்தம்
பேசும் மொழியில் போதை உச்சம்
கண்கள் சொருகும் நேரம்
கரங்கள் இறுக்கி அணைக்கப்பார்க்கும்
ஓ! இன்ப வீதியில் இன்றும் உலா!
மேக மெத்தையில் மோக நிலா!

முத்தங்கள் தின்கிறேன் நான்...
முரட்டுத்தனம் என்றேதும் இல்லை...
மோதல் மட்டும் உண்டு
ஊடலின் கூடலில்!

கூந்தல் களைந்த நேரம்
மல்லிகை மழையென தூவும்!
வாசம் வந்து தாக்கும்- புது
நேசம் புன்னகை யாகும்!

யாவும் மறந்து யாவும் துறந்து
தாவும் முயல்கள் தாபம் தீர்க்கும்!
இன்னொருமுறை என்றே மனம் கேட்கும்!
இதுவரை இதயம்
உச்சத்தில் துடிக்கும்
இன்பம் இதுவென
மிச்சத்தை கொடுக்கும்!

இரவுகள் கரையும் நேரம்
இன்பங்கள் நிறைந்து ஓடும்!
மீண்டும் முத்தங்கள் மட்டும் பேசும்
மௌனம் வந்து மூச்சின் காற்றாய் வீசும்!
போதும்...போதும்...என்றே தோன்றும்
ஆனபோதும் ஆரம்பம் மீண்டும் ஆகும்!

#என்னது#