கருத்த உடம்புக்காரி - கிராமிய பாடல்!

கிராமிய பாடல்!

கருத்த உடம்புக்காரி
கண்டாங்கி சேலைக்காரி
ஒய்யார கொண்டை போட்டு
களத்து மேட்டுப்பக்கம்
கஞ்சி கொண்டு வார புள்ள

வார சந்தையில
வலையலு வாங்கிருக்கேன்!
தேனி சந்தையில
தோடு ஒன்னு வாங்கிருக்கேன்!

சீமை போயி நானும்
சிலுக்கு துணி வாங்கிருக்கேன்!
சின்ன இடுப்புக்குத்தான்
ஒட்டியாணம் வாங்கிருக்கேன்!

மாமன் மனசுக்குள்ள
மாடி கட்டி வாழும் புள்ள
தையும் பொறந்திரிச்சு
பொங்கல் வந்திருச்சு

சல்லிக்கட்டில் மாமன்
காளை புடிக்க போறேன் புள்ள!
பொண்ணு பொருளையெல்லாம்-பரிசா அள்ளிக்கிட்டு வாரேன்புள்ள!

ஊரு சனமெல்லாம்
ஒன்னா இங்க கூடி நின்னு
பொங்கல் பொங்கிடனும்
இன்பம் நெறைஞ்சிடனும்
என்று சொல்லி நாம
சாமியத்தான் கும்பிடலாம்!