சுதந்திரம்... உரிமை...!

சுதந்திரம்... உரிமை...!

அது யாருக்கும் கொடுக்கப்படவேண்டும். ஆனால் அதை மிக சரியாக பயன்படுத்தவேண்டும். இல்லாவிட்டால் அது மிகப்பெரிய கேள்விகளையும், நிரந்தர தடையையும் எதிர்கொள்ள நேரிடும்.

அப்படியாகத்தான் நான் தாழ்த்தப்பட்டோர் பாதுகாப்பது தொடர்பான சட்டம்,பெண் உரிமை, பெண் சுதந்திரத்தை பார்க்கிறேன். வரதட்சணை தடை சட்டம் ஒன்று கொண்டுவரப்பட்டது. மிக கொடுமையான பாதிப்புகளை தொடர்ந்து கொடுத்துக்கொண்டு இருந்த வரதட்சணை கொடுமை பெரிய அளவில் கட்டுப்படுத்தப்பட்டது. 

ஆனால் அதற்கு பின்னர், அதை தவறான வழியில் பயன்படுத்தி , தவறு செய்யாத ஆண்களையும் தண்டிக்க செய்தனர்.

அது போலவே, இப்போது சபரிமலை விவகாரம். பெண்கள் அனுமதிக்கப்பட வேண்டும் என்பது எனது நிலைப்பாடு. ஆனால், அந்த உரிமையை வெற்று விளம்பரத்திற்கும், போலி புரட்சிக்கும் பயன்படுத்தும் போது... உண்மையிலேயே பக்தியோடு,சரியான விரத முறைகளை கடைபிடித்து கோவிலுக்கு வர எண்ணும் பெண்களுக்கான உரிமையும் கேள்விக்குரியதாக மாறிவிடுகிறது.

ஆடை சுதந்திரம், பாலியல் சமத்துவம், வேலைவாய்ப்பு, சம்பள சமவிகிதம் என்பன போன்ற பெண் உரிமைகள் விவாதத்திற்கு இடமின்றி பெண்களுக்கும் சம அளவு, பங்கீடு இருக்கிறது.

ஆனால், வெறும் வர்த்தக ரீதியான காட்சி பொருளாக பொது வெளியிலும், தொலைக்காட்சி, சினிமா ஊடகங்களிலும் பெண்களின் ஆடை சுதந்தரம் இருக்கிறது என்பதையும் மறுக்க முடியாது.

அது போலவே...#METOO வையும் நாம் பார்க்க வேண்டும். யாருமே மறுக்க முடியாத வண்ணம், பாலியல் சீண்டல்கள், வற்புறுத்தல்கள் இருக்கிறது என்பது நிதர்சனமான உண்மை.

அப்படி உண்மையாக வெளிப்படுத்தும் நபர்களுக்கான பேராபத்தாக ஆண்களைவிட,
போலியாக பழி வாங்கும்  அல்லது பழி சொல்லும் வகையில் பயன்படுத்தும் நபர்கள் தான் என்பதை உணரவேண்டும்.

அதுவே...
உண்மையான சம உரிமை, சுதந்திரத்தை பெற்றுத்தரும். மேலும் பெண்களுக்கான வாய்ப்பை பெண்களே தவறாக பயன்படுத்துவதை...முழு மூச்சாக பெண்கள்தான் முதலில் எதிர்க்க வேண்டும். அதுவே, சமத்துவம் பேசும் அனைவருக்குமான பாதுகாப்பாக இருக்கும்.

#பெண்உரிமை
#சபரிமலை
#MEETO
#தவறான_பயன்பாடு