யாது வேண்டும்...?யாது வேண்டும்...?
இனி வேறெது எமக்கு வேண்டும்...?!
இத்தனை பெருங்கருணை கொண்டே
இறையென வந்து நிற்கும்...
எம் ஆசான் நல்வாழ்த்துகள்!
எப்படி நன்றி சொல்வேன்...
இத்தனை பேரன்பில்...
எம்மை மூழ்கித்திழைக்க
வைக்கும் போது...
என் மூச்சுக்காற்றே...
உமக்கு நன்றி சொல்லவே!
மகிழ்வுடன்!
உங்கள் பிள்ளை!
சுக்கிரன் tr
சட்டக்காரன்பட்டி
திருமணவாழ்த்து
என் அன்பின்
நிறைசேர் செல்வமே........
உன் கவித்திறன்
கண்டு களிப்புற்றேன்......
நான் எழுதிய
மகவு
என்னுள் நீ நுழைய
வைத்திருக்கிறது......
ஆனந்தம் கொண்டேன்
என் அன்பு மகனே.....
இப்போது...
நான் உன்னுள்
மகவாய்
நிற்கிறேன்......
என் உயிர்ப்பில்
எப்போதும்
உன் நினைவுகளே.......
பெரும் ஆலின்
நற்செறிவு விழுதாய்...
நீ...
நிற்பது கண்டு
பூரிப்படைகிறேன்......
அப்போது...
நான் உனக்கு ஆசான்...
இப்போது..
நீ எனக்கு ஆசான்.....
உன் கவிதையை
என் கவிதைக்கு
கருவாய்
கைக்குள் மூடிக் கொள்கிறேன்......
என் அன்பின்
அருட்செல்வமே.....
அடியெடுத்து வைக்கும்-உன்
இல்லறம்
ஓராயிரம் பேருக்கு
நல்லறமாய்
அமையட்டும்......
என் செல்வமே......
உன்
இல்லக்கிளத்தியோடு
எல்லா வளமும் பெற்று...
நீங்கா உறவு.....
மங்கா புகழ்....
அள்ளக்குறையா செல்வம்..
நிறை செல்வம்
குறையா அன்பு....
பதினாறு பேறுகள்
பல பெற்று
அன்போடு
பல
கோடான கோடி ஆண்டுகள்
நிறைவோடு
நீவிர் வாழ
என்றென்றும்
இறைவனை
வேண்டி நிற்கும்
உன் ஆசான்
சுக்கிரன்அமுதா
சட்டக்காரன்பட்டி..!
எத்தனை பேரருள்...
இறையாகிய உம் வரிகளில்...
அத்தனைக்கும் தகுதி படைக்க...
அடியேன் எப்போதும் முயல்வேன்...!
இத்தனைக்கும் யான்...
நின் தாழ் ஒட்டிய சிறு தூசு...!
எப்பெப்போதும்...
என்னுள் நீயே இறையாகிய ஆசான்!
பெருங்கடல் குடிக்க
முயலும் சிறுதுளி...யாம்!
இன்று உம் பேரன்பு கடலில்...
கலந்து நிற்கிறேன்...
நின் வாழ்த்து மொழியில்
மகிழ்ந்து பறக்கிறேன்!
ஆயிரமாயிரம் நன்றிகள்...
என்றும் யான் கொண்டே
நிற்பேன்... நின் தாழ் பணிந்து...!
நின் தாழ் பணிந்து...
உம் அன்பையும்...ஆசிகளையும்
இல்லத்துணையோடு ஏற்கிறேன்!
மகிழ்வுடன்...
இளையபாரதி ஹரிஹரன்
செங்கழனி தேடி விழும் வித்து
செங்கதிர் நீட்டி வளர்ந்து நிற்கும்
ஆயினும் அதன் சிறப்பெல்லாம்
செங்கழனி கொண்ட சிறப்பே!
செங்கதிரோன் பாய்ச்சிய ஒளியில்
துளிர் விட்ட தளிர் ஒன்று
விருட்சமானது "சுக்கிரன்"
பார்வை பட்டதால்!
ஏதுமற்று இருந்தநாளில்
தூதுவனாய் வந்த கல்விஆசான்!
கல்விசாலை பாடம் சொல்லி
கடமை முடித்து செல்லாது
வாழ்க்கை பாடம் சொல்லி
வழித்துணையாய் வாழும் ஆசான்!
வரப்பின் எல்லை தாண்டும்
கிளையை கிள்ளி வைத்து
நல்வழி சொல்லி
நடைபயில வைத்த நன்னெறி உமது!
ஆறாம் வகுப்பு பையனாய்
இருக்கும் போது
ஆறாம் அறிவை தூண்டி
வார்த்தை மலர்களை
கவி மலர்களாக மாற்ற வைத்தீர்!
மகவு எனும் நின் கவிதை
தந்து என் கவிதை முளைக்க வைத்தீர்!
இதோ இன்று என்னுள்
மூவாயிரம் கவிதைகள்
இணைய பக்கம் எங்கும்
உலவி நிற்கிறது உம் பெயர் சொல்லி!
இதோ இன்று இச்சிறு மகவும்
மனிதனாய் மாறி
மற்றொரு வாழ்வை தொடங்க
இருக்கிறது..மண மேடை ஏறி!
மனம் நிறைந்த பெண்ணை
மாலை சூடி மாங்கல்யம் கட்டி
மங்கள மண விழா காணும்
எம்மை உம் மனம் நிறைந்து
மகிழ் வாழ்த்து பொழிய
நின் தாழ் பணிந்து
அன்பு நிறைத்து
மகிழ்வுடன்...
அழைக்கின்றேன்...!
வாருங்கள்...அன்பு கொண்டே வாழ்த்துங்கள்...
உம் மகவை!
🙏💐👏🏻🤝🏻
மதிப்புடன்...
ஹரிஹரன்
மார்க்கம்பட்டி மண்ணில் வாழும் வேல்முருகையா...
மக்களை காத்தருளும் வேல்முருகையா...
ஊர் நடுவே கோயில் கொண்டாய்
வேல் முருகையா...
உலகையே காத்தருளும் வேல்முருகையா..
உமையாள் திருமகனாம்...
வேல்முருகையா...
உலகெங்கும் உன் புகழே..
வேல்முருகையா...
காவடிகள் தூக்கி வந்தோம்
வேல்முருகையா...
கால் நடையாய் நடந்து வாறோம்
வேல்முருகையா...
கண்கொள்ளா காட்சி தர
வேல்முருகையா...
கண்ணெதிரே நீயும் வேண்டும்
வேல்முருகையா...
கஷ்டங்களை போக்கிடவே
வேல்முருகையா...
கந்தனாக நீயும் வேண்டும்
வேல்முருகையா...
மார்க்கம்பட்டி மண்ணில் வாழும் வேல்முருகையா...
மக்களை காத்தருளும் வேல்முருகையா...
ஊர் நடுவே கோயில் கொண்டாய்
வேல் முருகையா...
உமையாள் திருமகனாம்...
வேல்முருகையா...
உலகெல்லாம் செழித்திடவே...
வேல்முருகையா....
மயிலேறி வர வேண்டும்
வேல்முருகையா....
கொரோனோ ஒழிந்திடவே
வேல்முருகையா....
கொற்றவனாய் நீயும் வேண்டும்
வேல்முருகையா...
தைப்பூச திருநாளில்
வேல்முருகையா...
ஊரெல்லாம் உன் பவணி
வேல்முருகையா...
உன்னையே கண்டிடவே...
வேல்முருகையா...
பக்தரெல்லாம் ஒன்றுகூடி..
வேல்முருகையா...
தென்பழனி நோக்கி வாறோம்
வேல்முருகையா...
துணையாக நீயும் வேண்டும்
வேல்முருகையா...
வா.. வா..வா..வேல்முருகையா...
வந்தெம்மை காத்தருள்வாய்...
வேல்முருகையா...
வழிவிடும் முருகனாக...
வேல்முருகையா...
வந்தெம்மை காத்தருள்வாய்...
வேல்முருகையா...
மார்க்கம்பட்டி மண்ணில் வாழும் வேல்முருகையா...
மக்களை காத்தருளும் வேல்முருகையா...
ஊர் நடுவே கோயில் கொண்டாய்
வேல் முருகையா...
உலகையே காத்தருளும் வேல்முருகையா..
கடவுளுக்கு ஒரு கடிதம்!
எங்கெங்கும் நீ இருக்கின்றாய் என்பதை எப்போதுமே உணர்ந்தவன்.என் எண்ணத்தில்...
நீ உறைகின்றாய், என் செயல்களில் நீயே நிறைகின்றாய் இறைவா என
இப்போதும் உரைப்பவன்.
ஆனபோதும் உன்னோடு
முறனுண்டு எனக்கு!
அதனால், எப்போதும் எந்த
முன்னுரிமையையும் பணம் கொடுத்து பெற்றுவிடாமல், அனைவரும் சமம் என்று பொது தரிசனத்திலேயே..
உன்னை கண்டுமகிழ கொள்கைகொண்டவன். அன்றும் அப்படித்தான், நானும் குடும்பமும்..பொது
தரிசனத்திற்காக சிலமணிநேரம் உன் பாதங்களின் அருகே காத்துக்கிடந்தோம். நடை திறந்தது...
மெதுவாக நகர்கின்றது கூட்டம். எண்ணமெல்லாம் உன்னையே தாங்கியபடி நகர்கின்றேன். மனபாரம்
கண்ணீராய் உன்முன்னர் கசிகின்றது. என்னோடு தங்கையின் சிறு குழந்தை... பக்குவமாய் அழைத்துக்கொண்டு
உன்னை தரிசிக்கும் பாதை அடைந்தேன். என் சிந்தனையில் நீக்கமற நீயே நிறைந்து இருந்தாலும், உன்னையையும்
என் சிந்தையில் இருந்து விரட்டி அடிக்கச்செய்யும் படியாக இரு அநியாயக்குரல்கள்.
என காதுகளில்
கடப்பாரையை செருகிக்கொண்டு இருந்தன. சிறு குழந்தையும், நானுமாய் உண்டியலில் மிகச்சிறு
காணிக்கையை செலுத்த எத்தனிதோம்.
ஏய்..சீக்கிரமா நகருங்க.... வாம்மா... வாம்மா.... சீக்கிரம்..போ...போ...
என எங்களையெல்லாம்
விரட்டி அடித்துக்கொண்டு இருந்தது. உன் பாதம் கண்டு.. பெருமகிழ்வு கொண்டு... என் கண்ணீரெல்லாம்
உன் முன்னர் காணிக்கையாக்கிட வேண்டியவன்.... ஆனால் மனமெங்கும் பெரும் வேதனை.உன் முகம்
பார்த்தும்...அதை மனதில் நிலைநிறுத்த இயலாவண்ணம் இந்த குரல்கள் எங்களை கொடுமை செய்கின்றதே
என்று...மீண்டும் மீண்டும்... ஆத்திரம்.
200
வை...200 வை என உன் அருளை.. உன் கருணையை கடைச்சரக்காக்கி... உன் முன்னரே ஏலம் விடுகின்றனரே? இந்தத்தரகர்
கூட்டத்தின் கொட்டம் எப்போது மடியும்? கோவில்களில் மட்டுமா நீ இருக்கின்றாய்? கொடி இலையிலும்...
மலர்ந்த மலரிலும்... வீசும் காற்றிலும்.... விரிந்து கிடக்கும் நிலத்திலும்... பறந்து
கிடக்கும் ஆகாயத்திலும்.... கண் எதிரே படும் காட்சிகள் யாவிலும் நீ... இருக்கின்றாராய்...
நீயே இருக்கின்றாய்! ஆனபோதும் என்ன செய்ய... ஒரு அறம் அற்று உன் கோவில்கள் இயங்கின்றனவே? சாதியில் உயர்ந்தேன்
என அவர்களே சொல்லிக்கொண்டு... உன் அங்கம் தீண்டும் உரிமையில் எம்மை துரத்தி அடிக்கின்றனர்.
உன் அருளையெல்லாம்... மொத்தமாய் குத்தகைக்கு எடுத்தார் போல... மிரட்டும் வண்ணம்...
காசு கேட்கின்றனர்...
அனுமதிச்சீட்டும் வேண்டுமோ!
என் மனமே நீ அமர
இடைத்தரகரும் வேண்டுமோ?
பேரொளியாய் நீ இருக்க
பெருங்கருணை கொண்டிருக்க
உன் திருஉருவம் கண்டிடவே
காசு பணம் வேண்டுமோ?
ஆலயம் யாவிலும்
அந்தணர் மட்டுமே
உன் அருகே வேண்டுமோ?
உன் மகவே நான் என்றால்
என் உரிமை போனதெங்கே?
பொன் பொருளும் இருக்குமிடம்
சுகமென்றே நீ சென்றால்
என் மனமே ரனமென்று
இருந்திடத்தான் வேண்டுமோ?
எப்போதும் உன் முன்னர்
யாவருமே ஒன்றுதான்...
என்பதெல்லாம் உண்மையென்றால்
அன்பு செய்யும் திரு மனமே
நீ இருக்க வேண்டுமே...!
அதிகார எல்லையெல்லாம்...
அகங்கார சிந்தையெல்லாம்
நீ உடைக்க வேண்டுமே!
எப்போது செய்திடுவாய்
பதில் ஒன்றும் வேண்டுமே!
இப்போதே நீதி வேண்டும்
பதில் ஒன்றும் தந்திடுவாய்...
எதிர்பார்த்தே எழுதுகின்றேன்
இக்கடிதம் நானுமே!
இறைவா...
அனுப்புகிறேன்.....
கடவுளுக்கு ஒரு கடிதம்!
#இளையபாரதி.
