அரசுகளின் கொரோனா கொடுமைகள்

கொரோனா காலத்திலும்
கோடான கோடியப்பா
காசுபணம் வேணுமுன்னு
கவர்மெண்டு நெனைக்குதப்பா
காச கொஞ்சம் ஏத்திவச்சு
சாராயம் விக்கிதப்பா

காவல்துறையை பாரு...
அது காவலுக்கு ஆளு..
மரம் குச்சி கட்டியாச்சு
வாழமரம் கட்டியாச்சு...
சந்தனம் பொட்டும் வச்சு
மாலை கூட போட்டாச்சு

ஊரடங்கு காலத்திலும்
மது அடங்க போறதில்லை
ஊடகம் எல்லாம் இங்கே
விளம்பரமும் கொறையவில்லை

கூட்டம் கூடும் பாரு
இனி கொரோனாதான் கேளு
அடுப்பெரிக்க காசில்லைன்னு
ஆயிரம் கொடுத்தாங்க...

கொடுத்தத வரவு வைக்க
கடையெல்லாம் தொறந்தாங்க
கவர்மெண்டு வருமானம்
இனி உசுரெல்லாம் அடமானம்!

மத்திய அரசுன்னு
பேரு இங்க இருக்குதுங்க
வரிய ஏத்த மட்டும்
அந்த கவுலி கத்துமுங்க

பெட்ரோல் டீசல் காரு
அது வரிய குடிக்கும் பாரு
ஆபத்து காலத்திலும்
booking charge விட்டதில்லை
ரயிலு ஏறிப்போக
கட்டணமும் குறைக்கவில்லை

பேசும் பொய்ய பாரு
அது எத்தன அழகு பாரு
பாராட்டு சொல்ல நீங்க
பால்கனிக்கு போகனுங்க
விமானம் மலர் தூவும் அழகை
கைய தட்டி ரசிக்கணுங்க

இதுக்கு மேல
வேற என்ன நன்மை
நம்ம மத்திய அரசு செய்ய
மூச்சு விட்டாக்கூட
வரிய நீங்க கொடுக்கணுங்க
முட்டிக்கின்னு நின்னாக்கூட
திருப்பி ஏதும் கேக்காதீங்க

எத்தனை சிறப்பு பாரு
அதுக்கு இந்தியாதான் பேரு
எதுத்து பேசாதிங்க
தேசபக்தி மீறாதிங்க!

நம்மளோட அரசுபோல
கைய நல்லா களுவனுங்க
தள்ளி நாமும் நிக்கனுங்க!
அம்புட்டு தானுங்க கொரோனா
going கொரோனா!
Go go கொரோனா

#இளையபாரதி